صفات أولياء الله

كلام اهل الناس لمجمعين &&اسمع هذا الي دور ظرك ينگال
وافطن ماه من كذب لمغنيين && لكلام أل لابد يشتد مزال
اتلاميد مدحو اشياخهم كاملين &&وساوهم أقطاب وساوهم ابدال لشباخ حكٓ عنهم كاملين متعدلين && غير شيخن أحمد لاحكٓ ابعيد فالتعدال ؤمانك يشيخن كيف لشياخ لخرين && لشياخ امرادهم اكبار گد لجبال مانك شيخ وتباعك ماهم ياسرين && وأگليل ال عندك زاد من المال وابلا اعمام وابلا ادراريع ثنتين && والياسر فيك ما تعود عندك أفروال وابلا گالل وابلا اگباظ فاحساسين && الا تزبي الا گط مسوك لحوال الا تر الكشف الا تحجب اللمجانين && واتصل أمام مانك گابظ اتيتال الا تلتك امع ارسول الا زاد جبرائين && الا تنظر افلوح كون إلا عاد من اكلام الا نك من هذوك لشياخ الگاريين && الا تفيد حد واگل اخبار من ذالحال والولاي ماه طارفالك عين && كافيك أل عت عبد لرب مشغال واخبار لشياخ من ش امسوه ليدين && تخدمهم گاع الناس يالل لهم واثگال مانك شيخ لشياخ يالل لهم اسلاطين&& واتفاصل بين المقامات والحال وانت الاه فيه نفع المسلمين && بين تحلاب لخلف اتعدال لحبال انقل لكتوب ابخط زاد إعود زين&&وافصالت الثوب وافتيل الگيد واشمال ادك ادل واتجلاتن المعلومين && أل عاد أوليك لاحكٓ اعل أگروال واسليخ ابن المسد المسقفين && الي عادت الناس عاگبلها تحوال واتخيط الباس وافره من لمعلمين && انقلك مايگد ينقل زاد نقال والي عدت افخطر اعود فيك لعوين && وارفود ادبش وامجيبت زاد اجمال واتعود واياك هبز من لمساكين && عايدله ارگاج اعايدالك اعيال والله ال شفتك فاليل ساريين&& من عند أنوال مارگين فانوال راگب املط آوسراط غير ماه اسمين && واتلاميدك اعل ارواحل واعل لكفال فيهم جملك شالخ الناب ذاك لمتين &&
لمونك حكٓ حكٓ المايتلفگو آزال واشبيك مايعود كاذب اعليك اللعين && اربيت ماتنگز عن اگارب ارجال واحد ابوك شيخ وامك منت شيخين && واخوالك سبع وافطنت كيف لخوال كله عالم اكله معلوم واسمين && اولاد آدم تهديلهم اكفال اكفال أواليديك لثنين كله امحاظرو ثنتين&& خلط اداب لحسن اتندغ الغلال واربيت ادرسان اعليك متراتفين && بين ام انويب وام الرك وام اكلال اتهديلك تيرس والباطن اتورين && اتهديلك تيشيت والرك وازفال الا گط ريناك اتسال افحد دين&& واتمونك الدين أمنين اعود فيك يسال اعودانك شيخ ما ناگرينها الوذنين&& عاطيه الحال وامونك زاد فالبال الا اتميل عن سنت ارسول المبين && الاگط گلبك اعل نوع من المال مال الا بغيت نحلفلك كل يمين && ماگط انشاف راجل رابط السروال أخير منك امرو الا خير زاد دين && الاه اكل وحل باط فازكال الله يعم عنك عين لمعايين && ايعمل رب اعليك مايقلب لحوال الله ادومك اعلين ايام واسنين && يالبارد اعل الجل ياخليفت لفصال يمعلوم اجوار يحمار لعجين && ايخيمت الدهك الما ترد السوال يللي عندك ساعت المد مساويين && اجمل والوزر الخديم والمثقال وامتافك الناس زاد اعل الل باغيين && الا ادور حد ابش لاه اعليه …..